بعد فرقتكم
بقلمي. عبدالحميد السماحي
لسه شايفِك فى نفسي يا مّه
لسه ريحة ابويا أهيه
ياخطوتي اول مين سمه
عمر طويل انا بمشيه
أنا فى حياتكم أول شمعة
حروفكم بقلبي لسه بناديه
من بعدكم جات الغُمة
وبقيت فى كرب مين يمشيه
يانفسي صبحتي فى أزمة
اللي على ربنا ماحد هيوطيه
أنا راضي وراضي بالقسمة
دا كل اللي جوايا بداريه
بعد فرقتكم راحت النسمة
ونفسي من الأنفاس أنقيه
بقيت ماشي ألاقي العتمة
الدمع فى عيني مين يواسيه
دهري انكسر وراحت اللمة
مش لاقي غير الغدر أبكيه
يارب فين العدل والرحمة
بعد أبويا وأمي مش لاقيه
الدنيا والعيشة أهي صعبة
مكر وحيرة يقولو هنصفيه
يادمعتي من الأهل بالصدمة
أقول ايه ولا ايه هحكيه
فينك يابا وفيكِ يا مّه
مش لاقي الود بمساعيه
راح زمن الإخلاص والهمة
ابكي ياقلبي إنت من منافيه
العمر خُلص عايش فى الضلمة
شقيان الكل يبيع ويشتري فيه
أنا القريب بنفسيتي كتمه
من بعدكم الجرح ازاي أداويه
لسه شايفِك فى نفسي يا مّه
لسه ريحة أبويا أهيه
بقلمي
د. عبدالحميد السماحي
مصر 🇪🇬 محافظة كفرالشيخ
ليست هناك تعليقات:
إرسال تعليق