في مجتمعات كتير لسه لحد النهارده بنشوف عادة مؤذية وظالمة، وهي إن بعض الأولاد بياخدوا ميراث أخواتهم البنات، أو يضغطوا عليهم يتنازلوا عنه بحجة “الستر” أو “العُرف”. وده سلوك لا له علاقة بالدين ولا بالعدل.
ربنا سبحانه وتعالى في القرآن الكريم حدد أنصبة الميراث بشكل واضح وصريح، وده مش اجتهاد بشري ولا قابل للتغيير حسب الأهواء. والبنت لها حق ثابت في ميراث أبوها زيها زي الولد، كلٌ بنصيبه اللي ربنا قرره.
اللي بيحصل من حرمان البنات من حقهم هو أكل لأموال الناس بالباطل، وذنب كبير ممكن يضيّع البركة من البيت كله. وكمان بيسبب قطيعة رحم وظلم بيعيش سنين طويلة.
العدل الحقيقي مش إننا نمشي ورا عادات غلط، لكن إننا نرجع للصح ونحفظ حقوق بعض. اللي ليه حق لازم ياخده كامل، بدون ضغط أو تلاعب.
في النهاية… الميراث مش مجاملة، ولا حاجة نوزعها بمزاجنا، ده حق ربنا فرضه، واللي يظلم فيه لازم يراجع نفسه قبل ما ييجي يوم لا ينفع فيه ندم.
بقلم / جيهان نبيل قنديل
تمام تسلمي يااااباشا
ردحذفالناس مفكره أن حق البنت هبه منه لا ياغالي بلاش اجتهاد واوعا تفكر تعمل كده لان ده حق ربنا قبل ميكون حق بنت وربنا يهدي الجميع لما فيه الخير
ردحذفكلامك جميل وياريت الناس تعمل بيه
ردحذف