الجزء الثالث(غلطة العمر)
تأليف /عفاف غانم
ضحكت عليه ولفت عليه وهوقال هي دي وأكون امتلكت العالم باللي فيه وفعلا مش كملت كتير جري وراه ووقعته زي ماوقعت قبله كتير واقربهم عزيز ،وراح أمين لأمه في البيت يترجي فيها ويبوس إيديها عشان وفاء إللي مايعرف خيبته فيها وصمم والكل كان رافض عشان سمعوا عنها كلام فاحش لكن مراية الحب عمياء وقال ياهي ياإما هروح في دهية خافت الأم عليه وهوالحيلة لها علي أربع بنات ليها وافقت وقالت الأمر لله وهسيبك للأيام وراحت الأم معاه وكانت ليلة وفاء يامحلاها وكانت الأم مصدومة فيها وقالت يمكن الأيام هتوريها الخير فيها ومضت أيام واسابيع قليلة، واتعمل العرس وبعدشهور وايام حملها اكتمل بأمان وكله غش علي الغلبان خلفت ابنها وعند أمين بقت الست ولاست بعدها وقال أمين كان حلم ليا كبير أني أخلف ويكمل إسم أمين علي الدنيا ماأنا كنت نفسي يكون لياأخ كبير أوصغير أحمدك يارب والشكر إليك شافت وفاء خير كتير علي يد أمين ودلع ليها ماله مثيل بس زهقت من الروتين وقالت نسافر نغير جو يومين وأهوتغييير قالها هنروح عند ابن عمي حسين قالت نروح عنده فين ومين هوحسين إللي ماشوفته حتي وإحنا متجوزين قالها بره بقاله سنين ردت وقالت ياتري هومتجوز ولاهيمان بفلوسه الكتير قالها لاخاطب بنت عمتي الثانيه سهير قالت بس محدش جاب سيرة ليا ،هوأنا للدرجة دي وحشة ومفترية قالها أبدآ ده أنتي أجمل ست مصرية أم ملامح حلوة عربية ضحكت وقالت أيوة كدة أحسن ليلتك ماكانت معدية طب هنسافر امته ياأمين قالها بعد أسبوعين .
إلي اللقاء في الجزء الرابع (غلطة العمر)
ليست هناك تعليقات:
إرسال تعليق