مصر بلادي
بقلمي. عبدالحميد السماحي
قولو للحب اللي بينادي
مصر بلادي أم الأبطال
فيها جيشنا وكمان رئيسنا
ربي حريسنا من الأندال
إحنا التقوى وكمان الأقوى
لكل شكوى بتقوم لها رجال
إحنا الحب ماشيين عالدرب
نتحدى الصعب بالأفعال
انتصـاراتنا بتمـد حـياتـنا
أدي جهادنا فى كل حلال
زي جدودنا عارفين حدودنا
رافعين رايتنا من غير سؤال
دمي فداها عايشين جواها
قلبي رآها شهيد واحتفال
هى الشورى صورة أمورة
أهي المعمورة ولافى الخيال
مصر بتكبر مش راح تصغر
حلو المنظر مفيش محال
أصحاب الأرض حاميين العرض
الجهاد فرض للعدو إذلال
حدودنا آمنة مفيش ولامحنة
ربك ريحنا مع الكل وصال
قلوبنا صافية منجيش بالعافيه
مش هتطول الرفيه روحنا شلال
عباقرة علم مطلوبين بالإسم
الخال والعم المخ أهو شغال
ضحكة صافية وصحة وعافية
ودماغ عاليه تقول أمثال
نلنا الوعد بقينا فى السعد
منعرفش البعد مش فى الأجيال
نسر وهرم إحنا بتوع الكرم
قسمنا القسم هتخضر الرمال
مصانع دايرة وأكتاف شايلة
بالخير مالية صوامع وأمال
قـولـــو للـحب اللـي بـيـنادي
مـصر بــلادي أم الأبـطـــال
بقلمي
د. عبدالحميد السماحي
مصر 🇪🇬 محافظة كفرالشيخ
ليست هناك تعليقات:
إرسال تعليق